FAQs

Quero un plan

1# Como merco un plan?

Moi doado!

  • Busca na sección de plans o lugar e o negocio co que queres colaborar mercando un ou varios dos seus plans.
  • Cubre os datos que se solicitan, indica cantos plans desexas e pincha en “SOLICITAR PLANS”.
  • Enviaráseche un email cos datos para que fagas unha transferencia bancaria á conta e titular correspondentes.
    Será polo importe total e terás que copiar e pegar o concepto exacto que se indica no email. Lembra indicar o teu DNI.
  • Se no prazo de 72 h logo de facer a transferencia non tes novas, envíanos un email a voltaremos@voltaremos.com.

2# Cando poderei trocar o meu plan?

Tan axiña como pase o período de corentena, poderás trocalo. Só te terás que achegar ao negocio.

3# Como troco o meu plan?

Para poder gozar dos teus plans só tes que presentar o xustificante no negocio correspondente.

4# Podo devolver o meu plan?

Non, soamente en caso de que o negocio pechase. Consulta a política de compras e devolucións para máis info.

5# Os plans teñen data de caducidade?

Si, o negocio fixará unha data de caducidade que poderás ver na descrición do plan.
Se non está indicada esta data, será de máximo 6 meses.

6# Qué pasa se o negocio pecha a pesares da miña aportación?

Nese caso, tes o dereito a reclamar que negocio che reembolse a cantidade exacta correspondente
co(s) plan(s) adquirido(s) que non trocaras. Lembra que é un dereito, non unha obriga.

Teño un negocio

1# Teño un negocio en Galicia e quero inscribilo en Voltaremos, como o fago?

Pódelo facer de xeito moi sinxelo. Simplemente tes que facilitarnos algúns datos. Para elo:

  • envía un email ao enderezo negocios@voltaremos.com. 
  • poñerémonos en contacto contigo para explicarche como facer.
  • tan axiña nos facilites os datos que che pediremos, publicaremos os teus plans no portal.

Listo! A partires dese intre, calquera pode mercar os teus plans e botarche unha man nestes momentos tan complicados.

2# Participar na plataforma ten algún custo?

Voltaremos non ten carácter lucrativo, así que non cobraremos ningunha comisión polas compras.
Os negocios faredes unha pequena aportación de 4€ para sufragar os custos de mantemento da plataforma online.
No caso de que estas aportacións superen os custos da plataforma, todos os fondos a maiores serán doados para
a compra de material sanitario a Unicef España.

3# Os plans teñen data de caducidade?

Si, poderás establecer a data de caducidade no momento no que publiques o teu plan.
De non especificar ningunha data, a caducidade será de máximo 6 meses.

4# Como recibo os cartos dos plans? 

O comprador realizará unha transferencia á túa conta bancaria.
Deberás estar pendente do ingreso dos cartos para enviar os xustificantes o máis axiña posible.

5# Como procedo tralo ingreso dos cartos?

Cando recibas o pago na túa conta bancaria, terás que:

  • xerar un bono, un vale, unha factura proforma ou outro documento a modo xustificante.
  • incluír nese xustificante os datos do concepto da transferencia que che realizaron: Nome, DNI e nº e tipo dos plans.
  • enviar ese xustificante en formato .pdf a negocios@voltaremos.com nun prazo máximo de 48 horas.

6# Se pecha o meu negocio, que pasa cos plans non consumidos?

Neste caso, terás que reembolsar a cantidade exacta de cada plan vendido non trocado.

7# Como fago ese reembolso?

Todos agardamos que isto non sexa necesario, pero de ser así:

  • poñerémonos en contacto contigo para axudarche a facer o reembolso.
  • deberás facer unha transferencia aos compradores que non trocaran os plans.

8# Como trocan os clientes os plans?

Cando pase esta situación, os consumidores terán que presentar o xustificante do plan correspondente no teu negocio.